"நான் போகலை ஃபாதர்!"

"நீ என்னடா சொல்றே? இது ஓரளவு நல்ல இடம்டா. உன்னை பெட்ரோல் பங்க்ல பார்த்துட்டு அவரா எங்கிட்ட வந்து கேட்டார். நல்ல மனிதர். அவர்கிட்ட நீ சேரலாம். சேருவேன்னு நான் ஒப்புதல் தந்தாச்சு!"

"யாரைக் கேட்டு ஃபாதர்?"

"யாரைடா கேக்கணும் நான்? படவா! உன் தொடர்பா எந்த முடிவையும் எடுக்கற உரிமை எனக்குண்டு!"

சீனு பேசவில்லை.

"இல்லைனு சொல்லறியாடா?"

"இல்லை ஃபாதர்!"

"எ... என்னது?"

"இல்லைனா, நான் அப்படி சொல்லலைன்னு அர்த்தம் ஃபாதர். வெளியூர் போகச் சொல்றீங்க, உங்களை விட்டுப் பிரிய எனக்கு மனமில்லை. நான் எப்படி ஃபாதர் போவேன்?"

"அசடு! மதன் வாய்ப்பு கிடைச்சதும் போலீஸ்ல போய்ச்சேர்ந்துட்டான். பயிற்சி, அதுஇதுன்னு அவனை நான் பார்த்தே ஆறு மாசமாச்சு.

"அவனும் நானும் ஒண்ணா ஃபாதர்? அவன் படிச்சிட்டான். கௌரவமான உத்தியோகம்!"

"நீ படிக்காதது உன் தப்பு. என் தப்பா?"

"மதனை மாதிரி யாருமே இல்லாத அனாதையா இருந்திருந்தா, படிச்சிருக்கலாம். நான்பட்ட அடிகள் உங்களுக்குத் தெரியாதா ஃபாதர்?"

ஃபாதர் அவனை நெருங்கி, தன்னோடு சேர்ந்து அணைத்துக் கொண்டார். இதமாக அவன் கேசத்தைக் கோதிவிட்டார்.

"பழசை நீ மறக்க மாட்டாயா?"

"முடியலை ஃபாதர்!"

Sign up now to get the most out of Books2Read

Discover something great at Books2Read.

Thanks for signing up for Books2Read notifications!