குழந்தை விக்னேஷ் உறங்கிப் போக, அப்பா துரைசாமி உணவு மேஜையில், இருந்தார்.

"தங்கம்! சாப்பிட வர்றியா?"

"துவாரகா ஃபோன் பண்ணவே இல்லையே? நீங்க சொன்ன மாதிரி கோவமா இருக்கானா? ராத்திரி 12.30க்கு விமானம்! இப்பவே ஒன்பதரை ஆயிடுச்சே. இன்னும் வீடு திரும்பலை. எப்ப வந்து, எப்படிப் போகப் போறான்?"

"கண்டபடி பேசிட்டு, இப்ப கண்கலங்கி என்ன லாபம்?"'

"சரிங்க! பிரச்னையைப் பேசாம இருக்க முடியுமா? அதுக்காக பெத்தப் பிள்ளை இல்லாம போயிடுமா?"

"அப்படீன்னா, அவனை அனுப்பிட்டு, ஒழுங்கா புள்ளையைக் கவனி! இப்ப எனக்காவது சாப்பாடு குடு! பசி உயிர் போகுது!"

வாசலில் கார் வந்து நிற்க, துவாரகேஷ் இறங்கி உள்ளே வந்தான்.

"சாப்பிட வாப்பா! நீ புறப்படணும் இல்லையா?"

"இல்லைம்மா! ப்ரோக்ராம் கேன்சல்."

"ஏன்பா?"

"போகலை. கொஞ்சம் தள்ளிப் போட்டிருக்கேன்."

"நான் பேசினது உன் மனசைப் புண்ணாக்கிடுச்சா தம்பி?"

"விடும்மா! போகலை. எனக்குப் பசிக்குது!"

"ஒக்காருப்பா! எல்லாம் தயாரா இருக்கு! தோ வந்துர்றேன்."

அது பணக்கார வீடாக இருந்தாலும், சாப்பாட்டு சங்கதியில் வேலைக்காரர்களை அனுமதிப்பதில்லை!

சமையல்காரி சமைத்துவிட்டுப் போய்விடுவாள்.

பரிமாறுவது - மாதவி இருந்தவரை அவள்தான்! இப்போது அம்மா தங்கம்.

கணவர், மகன் இருவருக்கும் பரிமாறினாள்.

"நீயும் ஒக்காரும்மா."

"இருக்கட்டும் தம்பி. நீங்க சாப்பிடுங்க."

இருவரும் சாப்பிடத் தொடங்க -

"நீயா நிறுத்தினியோ, நாங்க சொல்லி செஞ்சியோ, எப்படி வேணும்ன்னாலும் இருக்கட்டும். ஆனா, எனக்கு சந்தோஷமா இருக்குப்பா."

துவாரகேஷ் நிமிர்ந்து பார்த்தான்

Sign up now to get the most out of Books2Read

Discover something great at Books2Read.

Thanks for signing up for Books2Read notifications!