Tjhida Ngitjhudule
5/5
()
About this ebook
Ibuthelelo leli litjhejisiswe ngerherho lobulungiswa ngendlela sihlala ngayo. Ipilo yeskomplazi neendingo zehliziyo. Ibuthelelo leli liqalene nokuveza imiphumela esiyilindileko nesingayilindelanga. Begodu ngokuya kwerhubhululo imbangela kungazazi ufunani. Manqophana namaphenyo enziwa mehlo nehliziyo nengaphakathi. Ibuthelelo leli ilwazi elinabileko ngamahlelo esiphila kiwo. Umtloli ukhomba iinkambiso ezifanele bona zitjhugululwe bosopolotiki. Tjhida ngitjhudule ngaphakathi umnotho netuthuko, ezehlakuhle, ukulwa nendlala, ifundo nebandulo, ezamaphilo, ukulwa nobudlhayela esizalwa nabo, iindingo zetuthuko, itjhebiswano yabahlali norhulumende. Ekondlweni enye yakhe "Emrabulweni" ukhuluma ngabarhubhululi bobubi. Encwadini le umtloli uThokozani ukhuluma ngezinye izinto ezithile ezitswenya abantu bemalokishini. Ukukhuphuka kwentengo yokudla neembaseli, ihlekelele yokucima kwegezi, amaphandle neminye iimoya etsirimezako. Ezinye zeenkondlo "Sewula Afrika yamathluwo" "Utitjherami" "Yin' umtlago" "Ithuba lamaswaphelo" namanye. Iselele yamambala ubukgoni bomtloli ngendlela endlulisela umlayezo kiwo woke umuntu. Kuhle kuhle Tjhida ngitjhudule umrabulo hlangana nerhugeko emakhaya neentratini. Tjhida ngitjhudule kuragela phambili itjhuguluko ekhambisana neragelelo phambili, ngendlela ebumbeneko incwadi le ethuthukisa ngokurhaba umlayezo owakhago. Iinkondlwezi zoke nje zizakuthatha isikhathi, bonyana zakhele kuwe. Begodu kunesisombululo samsinyazana. Tjhida ngitjhudule.
Related categories
Reviews for Tjhida Ngitjhudule
1 rating1 review
- Rating: 5 out of 5 stars5/5
Jan 30, 2025
A multitude of wholesome ndebele poetry. Absolutely worth the read.
Book preview
Tjhida Ngitjhudule - Thokozani Sithebe
Amezwi Womtloli
Liphumil’epumalanga litjhingile etjingalanga
Litjhingile emrabhen’emhlophe
Ulisil’umliselel’ atjhaphil’ amatjhapha.
Sikhumkil’ isikhumkani yaphumelel’ ikutani
Akhambil’ amavil’ izelw’ ikutan’ ipheth’esandleni sesidla
Indodan itjhudubazile bayibethela kwasala iintandani
Pilo emb’ungakarisile
Pilo kamazenzel’ ungitlhuwisile
Lenyeembezi zam’ aziweli phasi
Leenkondlo ngezenu emadorobhen neenkomplasi’
Eenkolweni zok’indawo
Ngithokoza boke bekhethu abaphosele esivivaneni
UZimu uphile usathani uthathile.
Intjhaba zirarekil’ eSewula Afrika sidoswa maphandle
Ngithabel’ikghono engiphiwe lona.
Thabisanani, fundisanani ngaleenkondlo ngezenu!
Ngijame Ngawe
Ngijame ngawe
Ngijame ngamagade.
Ngijame kumbi
Ngijame ngitlhuwile.
Ngijame ngezwi linye
Ngijame ngikakarele.
Ngijame ngiphelele
Ngijame ngamabatha.
Ngijame ngedwa
Ngijame ngeemfihlo.
Ngijame nyawo linye
Ngijame ngiyasaba.
Ngijame akusimi
Ngisajamile nanjesi.
Phasi
Phasi lokutjengisana
Phasi laboMma
Phasi lamakghono
Phasi lamambala
Phasi lifa labantu
Phasi leminyanya
Phasi elirarhwako
Phasi lamatjuguluko
Phasi lezenzo
Phasi leenzuzo
Phasi lamatlhuwo
Phasi leenselo
Phasi lokuburuja
Phasi likaZimu.
Angisazi
Angisatholi kuhle,
Angisaqondi kuhle.
Angisaboni kuhle,
Angisakghoni kuhle.
Angisazi kuhle kuhle,
Angisazi hayi angisazi.
Ngikhambe,
Ngithule,
Ngithabe,
Ngidane,
Ngiyekele,
Ngilise,
Ngithuthumbe namkha’
Angisazi ngenzeni.
Pilo Ede
Pilo ede kumongameli
Pilo ede kuJulius Malema
Pilo ede kuGert Sibande
Pilo ede kuThabang Lebese
Pilo ede kuReserve Bank
Pilo ede ku-NYDY
Pilo ede ngepilo yabatloli
Pilo ede ngoZakes Mda
Pilo ede ngabafundisi
Pilo ede ngeSarafina
Pilo ede ngomzabalazo
Pilo ede ngomlando wekhethu
Pilo ede bantu abanzima
Siyazikhakhazisa ngama-BEE
Intjhejisiso
Iinkambiso zabant’ ukona
Iinkambiso zabantu azinambeko.
Iinkambiso zabantu kuriyada.
Ipalamend’inamandl’okusilelesa
Ipalemend’itlhog’ irherho.
Ipalamend’ ayitlhadlhuli msinya.
uShabir Shaik uligomile isizo lezehlalakuhle.
uDonovan