About this ebook
Hlala Nami libuthelelo leenkondlo zesiNdebele ezitlowe ngu Promise Sthembiso Mabhena isokana elibukhali khulu ekutloleni iinkodlo, kileli ibuthelelo usirhephulele ngobuhle nobumbi bepilo, ngezinto azibonako, azifundako, asifundise.
Ibuthelelweli lineenkondlo ezimnandi kwamambala,kune zethando, zokukhuthaza nezesiko neminye imihlobo. Umnqopho kufundisa namkha ukuthi sikhombisana indlela, ngepilo esikiyo kiyo nesiya kiyo.
Kusifiso sakhe ukuthi boke abathandi nabafundi beenkondlo zesiNdebele bafunde kuye, abatlolako bafunde ezinye iindlela zokutlola iinkondlo eekondlweni zakhe, nokuphakamisa ilimu lesiNdebele, nokuthi abantu bangalahli ithemba emasikweni ngokuhlukahlukana kwawo.
Promise Sthembiso Mabhena
Ukwazi ngoPromise Sthembiso Mabhena UPromise Sthembiso Mabhena umtloli/mrhayi weenkondlo zesiNdebele. Wakhulela endaweni yeRamokgeletsane, wafunda eRamokgeletsane Primary School, eDuduzile Secondary School ne Senzangakhona Secondary School la aqeda khona ibanga le-12. Wasungula ukutlola nokurhaya iinkondllo ngomnyaka we-2009 ngaKwaMhlanga angenela namaphaliswano wokurhaya iinkondlo ebekade anande abanjwa. Wathumba ubujamo besibili ephaliswaneni lakwa (Love Life poetry competition) ngomnyaka we-2010. Wathumba ngodu i-Best Male Poet neBest Motivational Poem ephaliswaneni lakwaNdebele Poetry Awards ngomnyaka we-2019.
Related categories
Reviews for Hlala Nami
0 ratings0 reviews
Book preview
Hlala Nami - Promise Sthembiso Mabhena
Amezwi womtloli
Ngibathokoza ngonina ababone ikghono enginalweli lokutlola, abalikhwezelele ngamagama amnandi aletha ithabo ehliziyweni nethemba eliqine ngho! Avuthe aletha nomkhanyo emnyameni bekwathwasa ilanga lanamhlanjesi elithwase nencwadami etja tja!
Ngithokoza kuzala izandla zombili ukungisekela kwenu ekhambeni lameli lokutlola bangani, ziinini zami nani mndenami kusukela ngomnyaka we-2009 soloko ningibhade ngekhwapha ningipha izaluleko, niveza imibonwenu engunobangela wokuphumelela kokugadangiswa kwencwadami le. Bakwethu, ngithi okuhlokhu enikwenze kimi kwenzeni nakwabanye abeza ngemva kwami. USomnini akanibusise!
Isingeniso
Ndebele asingahlalelani maquphe senga sibantwana benyoka, kazi nasinje soke sibantwana bakaNzunza noManala begodu sibantwana bakaSomnini. Hlala nami, nami ngizokuhlala nawe ebudisini nebuhleni. Hlala nami sizokusekelana, siduduzane, sibonisane besikhalimane qobe lilanga ukuze phakathi kwethu kube nomkhanyo omkhulu, kuvunguze ummoya wethando nowethabo ophephula sengitjho nomona netshele ephenduka ibe kugula kwehliziyo.
Kazi izinja ezimbili azihlulwa mqasa owodwa njengombana silwa nento eyodwa-ipilo. Ibuthelelweli liyikwipiri lokuya evadleni lokulwa nepilo ngombana limumethe iinsombululo, iiyeleliso, ilwazi, ubuhlakani nomlayezo omnandi.
Iinkondlo Zethando
Mina Ngihlika La!
Leli lon’ akusese ngilo,
Kwakungasi nje esikhathini esadlulako,
Siphila sigugelene iimpumulo nemilomo,
Ukuhlabana ngamagama kwethu kuseengazini.
Omunye udosela le!
Nomunye adosele le!
Siphambene nezenzo zakhona,
Kungcono ngibon’ engize ngayo,