Puku ye e ngwadilwe ka Sesotho sa Leboa. Moanegwathwadi o goletše motseng se le gae.Batho ba go tšwa metseng setoropong ba be tliša mekgwana le dihetogo tša kua ba tšwang.Ke ka mo o bego o na le dika tša metseng setoropong tša go etša sepetlele le lekala la maphodisa.Tshephi o thomile bophelo bjalo ka digotlane tše dingwe.Ge a e tšwa mahlagading o lekile madila ka fase ga gatelelo ya bagwera.A tšhoga gore maitshwaro ao a tla mo dira segatamoroko.O be a tšhaba go wa seriti.O ralokile dipapadišane tša go etša kgwele ya dineo.Ge a etšwa mahlalagading,o thomile go šalašala makgarebe morago,a swarwa gomme a thoma go tsintsikela dipuku mo bokgoni bja gagwe bo be bo letše gona.O tsene ntlwanaswswi ka morago ga phoso ya maphodisa.Motswadi a thoma go tsena ke maseme gore mo gongwe tsebo ya ngwana wa gagwe e ya hlaela.Mongwadi,Tlou Meso o phetše bophelo bja metseng se le gae.Batho le seemo moo di ka go hlokiša tshepho le ponelopele.Kanegelokopana e  anega ke yo a  di dutšeng kgauswi.Tshephi ka morago ga gore a itemoge le go ikhwetša , o kgona go se ye le mokgofe.Puku ye bontšha maatla a mantšu.Ge motho a phelela go botšhwa gore ke setlaela go feleletša a tshepha mantšu ao.Tshepi o hwetša maatla go tšwa go mantšu a boditšeng ke batswadi le morutišigadi ka mohlamonene ge a nolega mooko.Tshepi o wela ke mašoto ge a amogelwa go ingwadišetša go thutela saense ya dipalo kua  Unifesithing ya Johannesburg.Se se hlohloletša ba ba tlago ka morago go ntšha ka ga tšhwene ntweng ya go fihlelela dinepo.