I swa kwala ku hanyeni I nkatsakanyo/nhlengelo wa switori swa khume-nharhu. Buku leyi yive yi hlula eka mphikizano wa WritePublishRead eka lembe ra 2024.Buku leyi Yi tsariwile hi mutsari lontsongo loyi a nga no ku navela eka swa vutsari. Hambi leswi xitori xin'wana na xin'wana xiri na hungu-nkulu ra xona, nhloko-mhaka ya buku leyi "I swa kwala ku hanyeni" yi katsakanya kumbe ku komisa mahungu-nkulu ya switori leswi hinkwaswo, kasi yi tlhela Yi koka muhlayi leswaku a ta lava ku tiva leswaku nhloko-mhaka yi vula-vula hi yini. Switori swa ku tala swi va swi teka ndhawu ematiko-xikaya ya Xifundzha-nkulu xa Limpopo, etikweni ra Xidemokrasi ra Afrika-Dzonga. kasi lava mutsari a nga tsalela vona leswaku vava vahlayi ku nga va mani na mani, hikuva ku tirhisiwile ririmi leri hlantswekeke ri tlhela ri olova. A yi tsimbisi munhu ku Yi hlaya na ku tlhela a ti phina hi yona. xin'wana hi leswaku timhaka leyi ku vula-vuriwaka hi Tina eka buku leyi to no nkoka eka vanhu go hambana-hambana ku suka eka timheho hinkwato ta misava. Buku leyi a Yo va buku ntsena leyi nga na switori swa khume-nharhu kambe i buku leyi vatliweke hi vukheta na vurhon'wana leswaku Yi koka rinoko ni ku dyondzisa muhlayi wa yona. Tinhloko-mhaka na hungu-nkulu ra buku swi lavisisiwile kahle leswaku swi ta kota ku hlayisa nkoka lowu eka rixaka ra sweswi na rixaka leri ra ha taka.  Matirhisele ya ririmi ya ku hambana-hambana ya mutsari na wona ya tlanga xiave xikulu eka ku hlayisa na ku tlakusa ririmi ra Xitsonga, leswi swi endlaka leswaku buku yiva Yi fuwile ku munhu a nga Yi hlaya.