அண்ணா நகரில் உயர் மத்திய வகுப்பினர் வசித்து வரும் பகுதி. காலை ஆறரை மணி. ஜாகிங் முடித்து, கேட்டில் சாய்ந்தபடி பேப்பர் படிக்கும் வசந்த், இருபத்தெட்டு வயது தந்த அழகு, ஆரோக்கியம், நல்ல பழக்க வழக்கங்கள் கொடுத்த கம்பீரம், என்று அசத்தலாய் இருக்கும் ஒரு மருத்துவன்.

"வசந்த்! ஏன் வேர்வையோட வாசலில் நின்றுவிட்டாய்? உள்ளே வந்து அந்தப் பேப்பரை படிக்கக்கூடாதா?" என்று ராமநாதனின் குரல் கேட்க, "இதோ வரேன்பா" என்று உள்ளே சென்றான். டைனிங் டேபிளில் காபி இருப்பதைப் பார்த்து, "உங்களுக்கு ஏன்பா இந்த வேலை? காபி போடறது பெரிய காரியமா? அதை நான் செய்யமாட்டேனா?" என்று அக்கறையாய் சலித்தான் வசந்த்.

ராமநாதன் ஐம்பத்தைந்து வயது வாலிபர். பதினைந்து ஆண்டுகளுக்கு முன்பு கர்ப்பப்பை புற்று நோயில் மனைவியை இழந்தவர். மனைவி அபிராமியின் பெயரில் இனிப்புகள் விற்கும் நிறுவனத்தை சென்னை மாநகரில் ஐந்து கிளைகளுடன் நடத்தி வருகிறார். பனிரெண்டு வயது பையனை தனியாகவே, வளர்த்து ஆளாக்கி இருக்கிறார். வசந்த் எம்.பி.பி.எஸ். எம்.எஸ். ஆர்த்தோ முடித்து நுங்கம்பாக்கம் ஹைரோடில் ஒரு க்ளினிக், நடத்தி வருகிறான்.

கல்யாணப் பந்தத்தில் சிக்க பிடி கொடுக்கமாட்டேன் என்கிறான். காதலித்தால் சொல்லு என்றும் கோடி காண்பித்தாகிவிட்டது. 'கொஞ்ச நாள் பொறுங்க' என்ற பல்லவியைக் கடந்த ஐந்து ஆண்டுகளாக பாடிக்கொண்டு இருக்கிறான். முதலில் வெறும் எம்.பி.பி.எஸ். போதாது எம்.எஸ். படிக்கணும் என்றான். தனியாக க்ளினிக் என்றான். பிசினெஸ் பிக் அப் ஆகட்டும் என்றான். இப்போ லோன் முடியட்டும்பா என்கிறான்.

அவனது நட்பு வட்டம் ரொம்பச் சிறியது. வசந்த், அவன் அப்பா, அரவிந்தன், அவ்வளவுதான். அரவிந்தன் அவனுடைய பள்ளி தோழன். இவன் மெடிசின் படிக்க அவன் எஞ்சினியரிங் நுழைந்தான். அவனது வீட்டில் செலவழிக்கும் நேரத்தை விட இங்கே செலவு செய்த நேரம் அதிகம்.

நுங்கம்பாக்கம் ஹைரோடில் இருந்த ஆர்வீ கிளினிக்கில் இருந்த வசந்தின் மொபைல் அழைத்தது. புன்னகையோடு எடுத்தவன், "சொல்லுடா. எப்ப டிரைனிங் கிளம்பற? ஆர்டர் வந்துடுச்சா? எவ்வளவு நாள் டிரைனிங்?" என்று கேள்விகளை அடுக்கினான் வசந்த்.

"ஆர்டர் வந்தாச்சு. நாளை மாலை ஆறு மணிக்கு பிளைட். ஆறு மாசம் டிரைனிங். மார்ச் மாத இறுதியில் வந்து விடுவேன். ஒரு வருடம் சென்னையில் டிரைனிங். அது முடித்தால், அரவிந்தன் ஐ.பி.எஸ்."

"ரொம்ப சந்தோஷமா இருக்குடா. உங்க அம்மா அப்பா என்ன சொல்றாங்க."

"பெருமையா இருந்தாலும், காட்டிக்கமாட்டாங்க. போலீஸ் உத்தியோகம் அவங்களுக்குப் பிடிக்காது. என்னோட லைஃபை நான் எனக்குப் பிடிச்ச மாதிரித்தான் வாழ முடியும். அதைப்பத்தி இப்ப பேசாத. நீ எனக்கு ஒரு ஹெல்ப் பண்ணனுமே."

"ஏதாவது பணம் தேவைப்படுதா?"

"ச்சே ச்சே! அதெல்லாம் இல்ல. பணம் பிரச்னை இல்லை" என்று மறுபடியும் நிறுத்தினான்.

Sign up now to get the most out of Books2Read

Discover something great at Books2Read.

Thanks for signing up for Books2Read notifications!