நிச்சயம் மிக எளிமையாக ஒரு சில உறவினர்களுடன். அவளது வீட்டில் நடந்தது. அண்ணி ரவா கேசரியும் பஜ்ஜியும் தயாரித்திருத்தாள். வந்தவர்களுக்கு அத்துடன் சூடாக காப்பியை ஒரு உறவுப் பெண் வழங்கினாள்.

போட்டோ எடுப்பதற்கு அவன் ஏற்பாடு செய்திருந்தான். அவளது விரலில் எல்லோர் முன்னிலையிலும் அவன் மோதிரத்தைப் போடப் புகைப்படக்காரர் அதைக் கிளிக் செய்ய... வீட்டில் ஏகச் சிரிப்பு. சில தினங்களுக்கு முன் அவன் கொண்டு வந்து காட்டிய அந்த வண்ணப் புகைப்படத்தில் மயில் கழுத்து வர்ணச் சோலையில் அவள் எத்தனை அழகாகத் தெரிந்தாள். பக்கத்திலே நின்று கொண்டிருந்த அவனும் லக்னோ குருத்தா பட்டுக்கரை வேஷ்டியில் எந்தனை கச்சிதமாக இருந்தான்.

ஜோடிப் பொருத்தம் அபாரம் என்று அண்ணி பெருமைப்பட்டாள்.

"இதெல்லாம் நாமா பார்த்து இணைக்கிறோம் அங்கே மேலே ஒருத்தன் இருக்கானே, அவன் யாருக்கு யார்று நிச்சயம் பண்ணி வச்சிருக்கான்" அண்ணா படத்தை நோட்டம் விட்டபடி தத்துவம் பேசினார்.

அந்த மேலே இருக்கிறவன் நரேந்திரனை சில நாட்களில் மேலே அழைத்துக் கொள்ளப் போகிறான் என்பதை அவர்கள் அப்போது நினைக்கவில்லையே.

Sign up now to get the most out of Books2Read

Discover something great at Books2Read.

Thanks for signing up for Books2Read notifications!