మనం నిత్యజీవితంలో కాలేజీలలో, మన ఇంటి వీధుల్లో, ట్యూషన్ లలో, ఆఫిసుల్లో, సినిమాల్లో ఎన్నో ప్రేమకథలు చూస్తుంటాం, వింటుంటాం. వాటిల్లో కొన్ని మర్చిపోతాం, కొన్ని మాత్రం అలా గుర్తుండిపోతాయి. ఇప్పుడు మీరు చదవబోయేది కూడా అలంటి ఓ ప్రేమకథే! గొప్పదని నేను చెప్పను గానీ, చదువుతున్నప్పుడు మంచి అనుభూతిని, చదివేసాక మంచి జ్ఞాపకాల్ని మిగులుస్తుంది. నేను వీలైనంత వరకూ ఈ కథని ఎంతో సహజమైన శైలిలో రాయడానికి ప్రయత్నించాను.

అలాగే, కథలో వచ్చే సందర్భాలు గానీ, సంఘటనలు గానీ చదువుతున్నప్పుడు మీలో ప్రతీ ఒక్కరు అవి మీకో, లేదా మీకు తెలిసిన వారికో జరిగాయి కదా అన్నట్టుగా అనుభూతి చెందుతారు. ఎందుకంటే నేను నా చుట్టూ ఉండే మనుషులని గమనిస్తూ రాస్తాను ఏ కథ రాసిన! ముఖ్యంగా ఈ కథలోని ముఖ్య పాత్రలైన తేజ, గీతికలకు మీలో చాలామంది దగ్గరవుతారు. వాళ్లిద్దరి మధ్య సాగే ప్రేమాయణం ఎంతో సరదాగా, హుందాగా, మనసుకి హత్తుకునే విధంగా ఉంటుంది! ఇందులో 'తేజ' కి కవితలు రాసే అలవాటు ఉండటం వలన తన భావాలను, గీతిక మీద తను పెంచుకునే ప్రేమను, ఆశలను కవితల ద్వారా వ్యక్తపరిచే తీరు మీ అందరినీ ఆకట్టుకుంటుందని నేను దృఢంగా నమ్ముతున్నాను.

కథలోకి వెళ్లబోయే ముందు ఒక మాట... "ఈ కథ కల్పితమే కావచ్చు, కానీ, అందులోని భావాలు నిజం!" కాబట్టి, ఎంతో నిజాయితీతో నేను రాసిన ఈ కథ మీ అందరికీ నచ్చుతుందని ఆశిస్తూ మీ హేమంత్ కారిచర్ల!

Sign up now to get the most out of Books2Read

Discover something great at Books2Read.

Thanks for signing up for Books2Read notifications!